Rob Kardashian er búinn að draga sig út úr sviðsljósinu og er að vinna í sjálfum sér. Nú er Kardashian-bróðirinn búinn grennast mikið en hann hefur lengi átt erfitt með að halda sér í eðlilegri þyngd.
Segir heimildarmaður ET að raunveruleikastjarnan sé að taka líf sitt í gegn sérstaklega fyrir dóttur sína, Dream, sem verður tveggja ára í næsta mánuði. Telur heimildarmaðurinn að Kardashian-bróðirinn sé búinn að missa eitthvað á bilinu 13 til 22 kíló.
„Að komast út úr sviðsljósinu var mikilvægt fyrir Rob,“ sagði heimildarmaðurinn og segir það hafa einnig verið gott fyrir hann að hætta á Instagram. „Hann þurfti að breyta lífi sínu algjörlega, hlutir voru komnir í stjórnleysi og heilsa hans og sambönd liðu fyrir það.“
Rob Kardashian hefur talað opinberlega um glímu sína við aukakílóin og árið 2016 greindi hann frá því að hann hefði misst af brúðkaupi Kim Kardashian og Kanye West vegna þess hversu óöruggur hann var með líkama sinn.