Eftir fréttaflutning Fólksins á fólskulegri hótun í garð gamanleikkonunnar Eddu Björgvinsdóttur hafa fleiri stigið fram og lýst svipaðri reynslu. Edda Björgvinsdóttir lenti í óprúttnum aðila sem hótaði henni að ef hún myndi ekki borga með rafmynt inn á reikning aðilans færi klámefni af henni á fjölskyldu og vini.
Karl Ágúst Úlfsson leikari setti saman texta þar sem hann gerir grín að öllu saman og birti Edda á síðunni sinni. Hann líkir klámhótunum og atburðarásinni sem gæti farið í gang í kjölfar svona hótunar við Klausturmálið.
Sigurjóna Sverrisdóttir, sýningastjóri og eiginkona óperusöngvarans Kristjáns Jóhannssonar, segir að hún hafi fengið tvö hótunarbréf svipað því sem Edda fékk. Að Ísland sé orðið 100% klámvætt og að hér búi þá ef til vill flestar klámstjörnur í heimi ef marka má netárásina á undanförnum dögum.