Sam Smith opnar sig um líkamsímynd

Enski tónlistarmaðurinn Sam Smith birti í dag viðtal við sjálfan sig þar sem hann ræðir um líkamsímynd sína. Smith segir að hann hafi alltaf haft lítið sjálfstraust vegna útlit síns og alltaf fundist hann vera of feitur. 

Smith opnaði sig í febrúar um líkamsímynd karla og birti mynd af sér berum að ofan á Instagram þar sem hann segist ætla að hætta að vera óöruggur og ætlar að byrja að elska línurnar sínar.

Smith segir í viðtalinu að hann hafi farið í fitusog þegar hann var aðeins 12 ára gamall vegna þess að honum leið illa með líkama sinn. Hann segir einnig að hann hafi fengið móður sína til þess að fá leyfi fyrir hann til að fara ekki í sund- og íþróttatíma í skólanum

Hann varð fyrir aðkasti í skólanum fyrir þyngd sína og það hafi haft mikil áhrif á hann. Þegar hann var um 16 ára þá léttist hann mikið. Þrátt fyrir það leið honum alltaf illa í eigin skinni. Hann ákvað því að fara í samstarf með leikkonunni Jamil, en hún kom af stað samfélagsmiðla herferðinni „I Weigh“ eða „Vigt mín.“ Herferðin felur í sér að fólk dregur fram þá eiginleika sem einkennir það. Þau Jamil ræða um af hverju svo fáir karlar hafa stigið fram og rætt um jákvæða líkamsímynd. 

Viðtalið í heild sinni er hægt að horfa á á Instagram-sjónvarpsrás (IGTV) Sam Smith. 

• Blogga um frétt