Breska ofurfyrirsætan Twiggy eða Lesley Lawson eins og hún heitir réttu nafni var heiðruð í Buckingham-höll í vikunni yrir störf sín á sviði tísku, lista og góðgerðarmála. Veitti Karl Bretaprins henni orðu og heiðursnafnbót í höllinni. Twiggy sem verður sjötug seinna á árinu var eiturhress en fjölskyldan hennar fylgdi henni í höllina.
Twiggy mætti í buxnadragt og flatbotnaskóm og hefur greinilega engu gleymt þegar kemur að tísku. Með henni var eiginmaður hennar Leigh Lawson og dóttir hennar, Carly, ásamt syni Lawson, Jason.