Það hefur líklega sjaldan verið jafn krúttlegt um að litast í dýragarðinum í Róm og þessa stundina. Á síðustu vikum hafa tvíbura-lemúrar og tveir silkiapar (e. Cotton-top tamarin) fæðst inn í dýragarðsfjölskylduna. 

Báðar tegundir er í útrýmingarhættu, ekki síst silkiapinn en talið er að einungis sex þúsund séu eftir í heiminum. Silkiapinn er smágert loðdýr sem á rætur sínar að rekja  til Suður- og Mið-Ameríku. 

Francesco Petretti, forstöðumaður dýragarðsins í Róm, segir að mikill fjölskyldukærleikur ríki meðal lemúranna. „Þetta er stórfjölskylda sem samanstendur af foreldrum, systkinum, frænkum og frændum og nú dásamlegum tvíburum.“

Krúttlegheitin í allri sinni dýrð má sjá í myndskeiðinu hér að ofan.