Það gengur illa hjá þeim Sophie Turner og Joe Jonas að halda brúðkaupsáætlunum fyrir sig og sína, en dr. Phil gaf óvart upp dagsetninguna á brúðkaupi þeirra á Instagram um helgina.
Við mynd sem Turner birti á laugardaginn síðasta skrifaði dr. Phil „Auðvelt héðan í frá! Aðeins ein vika! Sjáumst í brúðkaupinu!“
Það má því gera ráð fyrir að brúðkaupsveisla þeirra í Frakklandi fari fram um næstu helgi, 29. júní. Hjónakornin eru í það minnsta mætt til Parísar í Frakklandi, en Turner er nýkomin þangað frá Benidorm þar sem hún var í gæsunarferð með vinkonum sínum.
Turner og Jonas eru reyndar nú þegar gift en þau gengu í það heilaga í Las Vegas í maí. Þau ætluðu ekki að greina fjölmiðlum strax frá giftingunni, en einn vina þeirra, plötusnúðurinn Diplo, var í beinni útsendingu meðan á athöfninni stóð.
Það var nauðsynlegt fyrir þau að gifta sig í heimalandi sínu, áður en þau héldu til Frakklands því að samkvæmt frönskum lögum hefur brúðkaup þar í landi ekki lagalegt gildi nema annað brúðhjónanna sé franskur ríkisborgari.
View this post on InstagramA post shared by Sophie Turner (@sophiet) on Jun 22, 2019 at 11:46am PDT