Raunveruleikaþáttastjarnan Kim Kardashian West virðist hafa stolið hönnun Emilio Pucci á sólgleraugum fyrir sína eigin línu sem hún gaf út í apríl síðastliðnum. Instagram-reikningurinn Diet_Prada benti á líkindin á milli sólgleraugnanna en Kardashian sást einmitt skarta sólgleraugum Pucci í ágúst í fyrra.
Diet_Prada sakar hana ekki aðeins um hönnunarstuld heldur einnig um hræsni þar sem Kardashian vann mál gegn tískufyrirtækinu Missguided í síðustu viku. Kardashian sakaði Missguided um að stela hönnun hennar og nota ímynd hennar til að markaðssetja vöruna. Missguided var dæmt að greiða Kardashian 2,7 milljónir Bandaríkjadala í skaðabætur.
Nú virðist Kardashian hafa gert það sama og hún sakaði Missguided um, stolið hönnun Emilio Pucci.
View this post on InstagramA post shared by Diet Prada ™ (@diet_prada) on Jul 10, 2019 at 7:57am PDT