Rússneska ofurfyrirsætan Irina Shayk fór út á lifið í New York á miðvikudaginn. Shayk kom víða við en mætti meðal annars með ónefndum karlmanni á einn viðburð. Létu þau vel að hvort öðru að því er fram kemur á vef Daily Mail en ekki er langt síðan Shayk og Bradley Cooper slitu sambandi sínu.
Ekki er vitað hvort huldumaðurinn sé kærasti Shayk en þau létu að minnsta kosti mynda sig í faðmlögum. Kemur fram að Shayk hafi tekið manninn með sér sem gest.
Shayk og barnsfaðir hennar slitu sambandi sínu fyrir fimm mánuðum. Sambandsslitinn lágu lengi í loftinu en mikið var rætt um meint ástarsamband Cooper og Lady Gaga. Shayk og Cooper eiga saman hina tveggja ára gömlu Leu De Seine.