Stuðmenn og Auður í eina sæng

Hljómsveitin Stuðmenn og tónlistarmaðurinn Auður senda frá sér nýtt lag á föstudaginn næstkomandi. Lagið heitir Elsku vinur og er poppballaða. Auður eða Auðunn Lúthersson eins og hann heitir réttu nafni samdi lagið ásamt stuðmönnunum Agli Ólafssyni og Jakobi Frímanni Magnússyni en Þórður Árnason samdi texta. 

Lagið verður á komandi safnplötu Stuðmanna sem kallast Lög allra landsmanna. Stuðmenn eru ein elsta starfandi hljómsveit á Íslandi en fyrsta plata þeirra, Sumar á Sýrlandi, kom út árið 1975. Auðunn er einn mest spilaði tónlistarmaður nú á dögum en hann átti eitt vinsælasta lag sumarsins, Enginn eins og þú. 

„Lagið Elsku vinur er skemmtileg poppballaða sögð frá sjónarhorni eldri tónlistarmanns til nútímans, þar sem virðist sem allt sé í autotune-i,“ segir í fréttatilkynningu. 

Frétt af k100.is

Leisure ánægðir með Auði

Auður vinnur með Stuðmönnum. mbl.is/Eggert Jóhannesson

• 1 blogg um fréttina

Bloggað um fréttina

• G. Tómas Gunnarsson: Elsku vinur ábyggilega áhugavert, en ekki gleyma Gjugg í borg …