Harry Bretaprins og Meghan hertogaynja hafa sagt upp 15 manns á skrifstofu sinni í London. Hjónin tilkynntu í janúar að þau ætluðu sér að hætta að sinna konunglegum skyldum sínum og eru þessar uppsagnir hluti af því ferli.

Starfsfólkinu var sagt upp í janúar síðastliðnum samkvæmt heimildum Daily Mail. Á meðal þeirra 15 sem misstu vinnuna var einkaritari þeirra Fiona Mcilwham, samskiptastjórinn Sara Latham og aðstoðarritari samskiptastjórans Marnie Gaffney. Samkvæmt Daily Mail gætu einhverjir fyrrverandi starfsmenn á skrifstofu Harry og Meghan fengið starf hjá öðrum í konungsfjölskyldunni. 

Harry og Meghan hafa dvalið í Kanada síðustu vikur á milli þess sem þau hafa skroppið í nokkrar ferðir til Bandaríkjanna. Í vikunni heimsóttu þau Stanford-háskóla í Bandaríkjunum til að hitta prófessora við skólann og ræða um ný góðgerðarsamtök sem þau hyggjast stofna.

Tengdar fréttir

Megxit

Hvað er í vændum fyrir barn Harrys og Meghan?

• Myndatakan sögð „alger martröð“
• Meghan leit á Karl sem sinn annan föður
• Töluðu um að hætta fyrir brúðkaup
• Fékk mun lengri tíma en Meghan

» Fleiri tengdar fréttir

• Blogga um frétt