Tónlistarmaðurinn Ozzy Osbourne hefur aflýst tónleikaferðalagi sínu um Norður-Ameríku til þess að fara í meðferð við Parkinsons-sjúkdóminum.
Hinn 71 árs gamli rokkari greindi frá því fyrir mánuði að hann væri með Parkinsons-sjúkdóminn. Hann ætlar að leita lækningar í Sviss í apríl næstkomandi.
Osbourne ætlaði að vera mættur á sviðið í Atlanta í Georgíu-ríki í lok maí. „Því miður get ég ekki farið til Sviss í meðferð fyrr en í apríl og meðferðin tekur sex til átta vikur,“ sagði Osbourne í tilkynningu sinni.
Tónleikaferðalag hans um Bretland er enn á áætlun en það á að hefjast í október.