Piparsveinninn frægi, Colton Underwood, segir að síðustu dagar hafi verið erfiðari en hann bjóst við. Underwood greindist með kórónuveiruna rétt fyrir helgi.
„Síðustu dagar hafa verið erfiðari en ég bjóst við. Aðal einkennin mín eru hósti, sviti á næturnar og svo er ég mjög andstuttur. Að anda er áskorun, besta leiðin til að lýsa því er að mér líður eins og ég geti bara notað 20% af lungunum mínum. Ég get rétt ímyndað mér hvernig fólki með undirliggjandi sjúkdóma líður með þetta,“ sagði piparsveinninn í færslu sinni á Instagram.
Hann segir að í gærmorgun hafi hann í fyrsta skipti síðan hann greindist hafa fundið fyrir framförum og vonar að honum fari að batna.
Underwood hefur einangrað sig frá fjölskyldu sinni og dvelur á þriðju hæðinni í húsi kærustu sinnar, Cassie Randolph. Hann segir þau útbúa mat fyrir hann og skilja eftir handa honum og athuga með hann reglulega.
View this post on InstagramA post shared by Colton Underwood (@coltonunderwood) on Mar 23, 2020 at 11:41am PDT