Forsprakki hljómsveitarinnar Rammstein, Till Lindemann, er sagður vera kominn úr lífshættu eftir að hann greindist með kórónuveiruna um miðjan mars. Þýska blaðið Bild greinir frá veikindum söngvarans.
Hinn 57 ára gamli söngvari er sagður hafa kvartað undan háum hita eftir að hann kom heim eftir tónleika í Moskvu um miðjan mars. Hann var fluttur á spítala í Berlín þar sem hann greindist með kórónuveiruna.
Lindemann er sagður hafa fengið góða læknisaðstoð, hann var greindur með lungnabólgu og settur í sóttkví. Hann er allur að braggast og er líf hans ekki lengur í hættu að því fram kemur á vef Bild.