Tónlistarmaðurinn Helgi Björnsson heldur uppi stuðinu á heimilum Íslendinga í kvöld. Efnt er til kvöldvöku á heimilum landsmanna í samstarfi Sjónvarps Símans, mbl.is og K100, en Helgi ætlar að syngja nokkur af þekktustu lögunum sínum í bland við perlur úr dægurlagasögunni okkar.
Fylgist með kvöldvökunni, sem hefst klukkan 20, í spilaranum hér að neðan. Þá geta áhorfendur haft áhrif á það hvaða lög Helgi spilar með því að setja sitt óskalag á Twitter með myllumerkinu #heimamedhelga.
Við hjá Árvakri viljum vekja athygli á því sem vel er gert á þessum erfiðu tímum. Ef þú ert með góða sögu af fyrirtækjum og einstaklingum sem eru að gera gott, sendu okkur ábendingu á netfangið stondumsaman@mbl.is.