Harry og Meghan í stríð við bresk götublöð
Setja bókamerki
Hertogahjónin Harry og Meghan sendu ritstjórnum breskra götublaða bréf í gær, sunnudag, þar sem þau lýstu því yfir að þau væru hætt öllu samstarfi við blöðin. Á vef BBC kemur fram að hjónin segjast gera þetta vegna frétta sem þau segja brenglaðar, ósannar eða ágengar.
Blöðin og vefmiðlar þeirra sem um ræðir eru The Sun, Mirror, Daily Mail og Express. Í bréfinu segjast hjónin ekki vilja taka þátt í fréttamennsku sem þau segja snúast um smellibrellur og brenglun.
Í bréfinu sem talsmaður hjónanna sendi munu hjónin ekki veita viðtöl við miðla þessara fjölmiðla. Lögfræðingur hjónanna mun svara ef þess er þörf en upplýsingafulltrúar þeirra munu ekki einu sinni svara síma til þess að staðfesta eða neita fréttum.
Í bréfinu er talað um að hjónin séu ekki að forðast gagnrýni en séu ósátt við þegar ósannar sögur eru sagðar um þau. Hjónin tala jafnframt um hversu mikilvægir fjölmiðlar eru í nútímalýðræði. Þau eru auk þess sögð hafa fylgst með fréttamennsku af þessu tagi skaða fólk sem þau þekkja en líka sem þau þekkja ekki neitt.
Í lok bréfsins er tekið fram að hjónin hlakki til að vinna með blaðamönnum um allan heim, sem verði vel valdir. Vonast þau til að þessi nýja nálgun verði virt.
Harry og Meghan hættu formlega skyldum sínum fyrir bresku konungsfjölskylduna í lok mars. Þau fluttust til Kanada fyrir áramót en fluttu nýlega til Kaliforníu. Í haust var greint frá því að Meghan hefði höfðað mál gegn breska blaðinu Mail on Sunday fyrir að birta einkabréf sitt í óleyfi. Í lok vikunnar verður mál Meghan tekið fyrir í gegnum fjarfundarbúnað.
Bréfið frá Harry og Meghan má lesa í heild sinni á vef BBC.
Skar höfuðleðrið af íslenskri konu
Skiptir miklu meira máli en fólk grunar
„Umsátursástand“
Telur forsendur fyrir vaxtalækkun
Gígbarmurinn hækkað frá því í gær
Bergnuminn í Hvalfirði
Kaldasti veturinn kom að óvörum