Þær Chanel Björk Sturludóttir og Diana Rós Breckmann Jónatansdóttir verða í beinni útsendingu á Instagram-síðu tónlistarkonunnar Bjarkar klukkan 18 þar sem þær ræða rasisma á Íslandi og hvernig Black lives matter-hreyfingin hefur haft áhrif á Íslandi.
Kynþáttafordómar hafa komist í hámæli hérlendis sem annars staðar í kjölfar þess að George Floyd var drepinn við handtöku er lögreglumaður kraup á hálsi hans í tæpar níu mínútur.