Leikkonan Jennifer Aniston gladdist á þriðjudaginn þegar hún fékk tilnefningu til Emmy-verðlauna. Stórstjörnur kepptust um að óska Aniston til hamingju á Instagram og var fyrrverandi eiginmaður hennar, leikarinn Justin Theroux, þar á meðal.
Miðað við athugasemd Theroux virðist hann spenntur fyrir hönd Aniston en aðdáendur þeirra eru enn spenntari fyrir viðbrögðum hans. Fjölmargir skrifuðu athugasemd við athugasemd hans auk þess sem fjallað hefur verið um viðbrögð hans í erlendum miðlum.
Theroux og Aniston tilkynntu um skilnað sinn í febrúar árið 2018 en eru enn greinilega góðir vinir. Hjónin fyrrverandi kynntust árið 2011 og gengu í hjónaband árið 2015.
Á meðal þeirra sem óskuðu Aniston til hamingju voru leikarinn Orlando Bloom, leikkonan Julianne Moore og söngdívan Mariah Carey.
Verðlaunahátíðin fer fram 20. september næstkomandi í Microsoft-leikhúsinu í miðborg Los Angeles í Kaliforníu. Aniston ætlar að mæta og skrifaði meðal annars að hún þyrfti bara að ákveða hvaða grímu hún ætlaði að mæta með.
View this post on InstagramA post shared by Jennifer Aniston (@jenniferaniston) on Jul 28, 2020 at 4:30pm PDT