„Þetta er auðvitað mikið svekkelsi“
Setja bókamerki
Steinunn Jónsdóttir, Reykjavíkurdóttir, segir að það sé auðvitað mikið svekkelsi að geta ekki haldið tónleika annað kvöld en að sama skapi skilji hún af hverju þessi ákvörðun var tekin.
„Við vorum mjög spenntar og erum búnar að vera æfa alla vikuna þannig þetta er alveg smá skellur. En væntanlega það skynsamlegasta í stöðunni,“ segir Steinunn í samtali við mbl.is.
Hljómsveitin Reykjavíkurdætur áttu að spila á Innipúkanum annað kvöld en nú hefur hátíðinni verið aflýst. Svandís Svavarsdóttir heilbrigðisráðherra tilkynnti á blaðamannafundi fyrir hádegi að samkomutakmarkanir skyldu miðast við 100 manns.
Reykjavíkurdætur gáfu út plötuna Soft Spot í maí síðastliðnum en hana tóku þær upp í apríl á síðasta ári. Þær voru því spenntar að spila efni af nýju plötunni í fyrsta skipti á tónleikum um helgina.
„Þetta er bara staðan í heiminum í dag þannig að maður er ekkert eitthvað að missa sig í sjálfsvorkunn,“ segir Steinunn.
Shakespeare fannst í skókassa
Handteknir eftir myndatöku í Vesturbæjarlaug
Skemmtiferðaskip hætt komið nærri Viðey
Tveir í bílnum sem lenti utan vegar
„Hvílir mikil leynd yfir þessu öllu“
Vélsleðaslys: Þyrlan kölluð út á mesta forgangi
Telur forsendur fyrir vaxtalækkun