Unnustan sleit trúlofuninni við Odom

Fyrrverandi körfu­bol­takapp­inn Lam­ar Odom og unnusta hans Sa­br­ina Parr slitu trúlofun sinni á dögunum. Parið trúlofaði sig í nóvember í fyrra en svo fór að Parr fékk nóg og sagði að Odom þyrfti að vinna í sínum málum. 

„Ég þarf að vera fyrst til að láta ykkur vita að ég er ekki lengur trúlofuð Lamar,“ sagði einkaþjálfarinn Parr fylgjendum sínum í sögu á instagram. „Mér fannst erfitt að taka þessa ákvörðun en hún er góð fyrir mig og börnin mín. Lamar þarf að vinna í sínum málum. Ég elska hann mjög mikið en get ekki verið við hlið hans á meðan hann leitar sér þeirrar hjálpar sem hann þarf á að halda.“

Frétt af mbl.is

Odom bíður með kynlífið fram að hjónabandi

Odom, sem hef­ur glímt við marg­vís­leg­an fíkni­vanda, var kvænt­ur Khloé Kar­dashi­an í tæp sjö ár frá 2009 til 2016. Ekki er vitað hvaða hjálp Lamar þarf á að halda núna eða hvort djöflar sem hann hefur glímt við áður hafa elt hann uppi.

• Blogga um frétt