Búið er að bólusetja sjónvarpsstjörnuna sir David Attenborough fyrir kórónuveirunni. Ekki er vitað frá hvaða lyfjaframleiðanda bóluefnið sem Attenborough fékk er og ekki er heldur vitað hvenær hann var bólusettur.
Talsmenn hans staðfesta þó við BBC að hinn 94 ára gamli sjónvarpsmaður sé kominn með bóluefnið. Hann er einn af fyrstu stjörnunum sem hafa fengið báða skammta bóluefnisins.
Jafnaldri Attenboroughs, Elísabet II Englandsdrottning, og eiginmaður hennar Filippus hertogi hafa einnig verið bólusett.