Segja Styles hafa valdið skilnaðinum

Harry Styles og Olivia Wilde.
Harry Styles og Olivia Wilde. Samsett mynd

Sögusagnir eru á kreiki um að breski tónlistarmaðurinn Harry Styles hafi verið ástæðan fyrir því að Olivia Wilde sleit trúlofun sinni og Jasons Sudeikis. 

Styles og Wilde eru nýjasta parið í Hollywood um þessar mundir. Sögum ber þó ekki saman um hvort Wilde hafi hætt með Sudeikis fyrir ári eða hvort það hafi bara skeð í nóvember sem leið. 

„Olivia sleit trúlofunnini í nóvember en ekki fyrr en þau Harry voru orðin náin. Hvort sem Harry veit það eða ekki, þá var hann ástæðan fyrir sambandsslitunum og það kom Jason algjörlega í opna skjöldu, hann dýrkar Oliviu og er miður sín. Fjölskyldan er fremst í forgangsröðinni hjá honum,“ sagði heimildamaður Us Weekly um málið.

„Þau slitu trúlofuninni snemma á síðasta ári eins og kom fyrst fram. Harry var ekki ástæðan fyrir sambandsslitum þeirra,“ sagði annar heimildamaður. 

Styles og Wilde unnu saman að kvikmyndinni Don't Worry Darling síðasta haust. 

mbl.is

Stjörnuspá »

Hrútur

Sign icon Ekki hika við að segja fjölskyldumeðlimum að þú elskir þá. Reyndu að finna tíma til að vera með börnunum, þau eru besti félagsskapurinn.

Stjörnuspá »

Hrútur

Sign icon Ekki hika við að segja fjölskyldumeðlimum að þú elskir þá. Reyndu að finna tíma til að vera með börnunum, þau eru besti félagsskapurinn.