Töframaðurinn Siegfried Fischbacher er látinn 81 árs að aldri. Fischbacher var þekktastur fyrir samstarf sitt með Roy Horn en best eru þeir þekktir eftir eiginnöfnum sínum, sem tvíeykið Siegfried og Roy. BBC greinir frá.
Fischbacher var með krabbamein í brisi og hafði nýlega undirgengist 12 tíma aðgerð vegna æxlis.
Þeir félagar voru stærstu nöfnin í töframannaheiminum um ára skeið og sýndu þeir yfir 5 þúsund sýningar fyrir fleiri en 10 þúsund manns í Las Vegas.
Samstarfsmaður hans, Horn, lést á síðasta ári eftir að hafa veikst af kórónuveirunni.
Þeir félagar komust í heimsfréttirnar árið 2003 hvítur bengaltígur réðst á Horn á sýningu í Las Vegas. Hann lifði árásina af en lamaðist að hluta til í kjölfar hennar.