Vonar að Styles missi áhugann á Wilde

Leikarinn Jason Sudeikis er sagður vera miður sín yfir að fyrrverandi unnusta hans, Olivia Wilde, sé komin í samband með breska tónlistarmanninum Harry Styles. 

Heimildamaður Us Weekly greinir frá því að Sudeikis hafi dregið sig í hlé þegar ljóst var í hvað stefndi með Wilde og Styles. „Hann krossar fingurna að þetta sé bara tímabil og Olivia muni átta sig á því eða Harry verði leiður á henni og hætti með henni,“ sagði heimildamaður. 

Hann vill vinna ást hennar aftur svo þau geti lappað upp á fjölskyldu sína. 

Greint var frá því í síðustu viku að Styles og Wilde væru nýjasta parið í Hollywood. Þó voru mismunandi fréttir af því hvort þau hefðu ruglað saman reytum á meðan Wilde var enn lofuð Sudeikis eða hvort það hefði gerst eftir að þau hættu saman. 

Frétt af mbl.is

Segja Styles hafa valdið skilnaðinum

Harry Styles og Olivia Wilde. Samsett mynd

• Blogga um frétt