Leikarinn Elliot Page hefur sótt um skilnað við eiginkonu sína Emmu Portner. Page og Portner hafa verið gift í þrjú ár.
Þau tilkynntu um skilnaðinn í gær og í tilkynningu þeirra segir að þau hafi skilið að borði og sæng síðastliðið sumar. Þau hafi því komist að þeirri niðurstöðu að skilja endanlega nú í byrjun ársins.
Page og Portner tilkynntu um að þau hefðu gengið í það heilaga í byrjun árs 2018 en þá höfðu þau ekki staðfest samband sitt fyrir það.
Page greindi frá því fyrir tveimur mánuðum að hann væri trans og studdi Portner við bakið á honum á þeim tíma og birti fallega færslu á samfélagsmiðlum.