Hvít-Rússum meinuð þátttaka í Eurovison

Eurovision-keppnin verður haldin í maí.
Eurovision-keppnin verður haldin í maí. Ljósmynd/Thomas Hanses

Hvít-Rússum hefur verið meinuð þátttaka í Eurovision-keppninni í Hollandi.

Samband evrópskra sjónvarpsstöðva greindi frá því seint í gærkvöldi að „því miður, þá mun Hvíta-Rússland ekki taka þátt“ í keppninni í maí í borginni Rotterdam, þrátt fyrir að hafa sent inn nýja útgáfu af lagi sínu.

„Það var ákveðið að nýja lagið bryti einnig gegn reglum keppninnar,“ sagði í tilkynningu og var þar átt við pólitískan boðskap þess.

Mikil pólitísk ólga hefur verið í landinu síðan í ágúst í fyrra eftir að Alexander Lúkasjenkó var kjörinn forseti. Vestrænir erindrekar segja að kosningarnar hafi verið ólögmætar.

Ríkisútvarp Hvíta-Rússlands gagnrýndi ákvörðun Sambands evrópskra sjónvarpsstöðva harðlega og sagði hana hneyksli því lagið fjallaði um kanínur.

„Þessi ákvörðun um að banna okkur að taka þátt í keppninni á sér pólitískar rætur,“ sagði Ivan Eismont, yfirmaður eurovision-nefndar landsins.

mbl.is

Stjörnuspá »

Hrútur

Sign icon Láttu þér ekki bregða þótt margt óvænt gerist í dag og þú eignist jábræður sem þú hafðir allra síst átt von á. Ef þú ert í bílahugleiðingum þá mun eitthvað gerast í þeim málum fljótlega.

Stjörnuspá »

Hrútur

Sign icon Láttu þér ekki bregða þótt margt óvænt gerist í dag og þú eignist jábræður sem þú hafðir allra síst átt von á. Ef þú ert í bílahugleiðingum þá mun eitthvað gerast í þeim málum fljótlega.