Hundurinn Frida Kahlo hefur vakið heimsathygli vegna þess að hún er með einstaklega krúttlegt „yfirvaraskegg“. Frida er af tegundinni miniature bull terrier og býr hér á Íslandi. Eigendur hennar eru Helena Ólöf Snorradóttir og Snorri Valgarðsson. 

Þótt Frida litla sé bara 6 mánaða gömul hefur hún fangað hugi og hjörtu fólks um allan heim og er með yfir 14 þúsund fylgjendur á Instagram reikningum sínum. Þá hefur breski fjölmiðillinn Daily Mail fjallað um hana. 

Frida er með einstaklega krúttlegt yfirvaraskegg. Skjáskot/Instagram

Í viðtali við Daily Mail segir Helena að hana hafi alltaf dreymt um að eiga hund af tegundinni miniature bull terrier. „Í fyrsta skipti sem ég sá hana var hún lítill bolti með eyru eins og kanína og virkilega fágað yfirvaraskegg. Það var ein af ástæðunum fyrir að ég ákvað að byrja með Instagram-síðuna. Litla andlitið hennar gerði okkur svo glöð á hverjum degi og ég hugsaði með mér að það væri synd að deila því ekki með öllum heiminum,“ sagði Helena.

Tengdar fréttir

Krúttleg dýr

Snerti gras í fyrsta skipti

• Kraftaverkamörgæs fannst eftir tvær vikur á sundi
• Eignaðist ofursjaldgæfan hvolp
• Fékk líf vegna litarhafts
• Klifraði inn um glugga á bíl og stal snakkpoka

» Fleiri tengdar fréttir

• Blogga um frétt