Drottningin mætti til starfa
Elísabet II Bretadrottning sneri aftur til vinnu í gær.
AFP
Setja bókamerki
Elísabet II Bretlandsdrottning sneri aftur til starfa í gær, þriðjudag, aðeins fjórum dögum eftir að eiginmaður hennar, Filippus prins, lést. Filippus lést á föstudaginn, 99 ára að aldri.
Drottningin hélt lítinn einkaviðburð í Windsor-kastala og tók þar á móti Earl Peel sem lét formlega af störfum sem æðsti starfsmaður bresku krúnunnar.
Gefið var út á dánardegi Filippusar að við tæki átta daga sorgartímabil hjá fjölskyldunni. Gert var ráð fyrir að drottningin myndi fresta öllum viðburðum á þessu tímabili en svo virðist ekki vera. Starfsmaður konungsfjölskyldunnar sagði þó að meðlimir myndu fara í verkefni sem hæfðu aðstæðum.
Útför Filippusar fer fram á laugardaginn næstkomandi klukkan tvö að íslenskum tíma.
Finnar og Svíar taka ekki á móti særðum frá Gasa
Mikill viðbúnaður við Sæbraut
Gerðu umfangsmiklar loftárásir á Líbanon
Þyrla Gæslunnar sinnti óvenjulegu verkefni
Komu saman á kyrrðar- og bænastund
Eðlileg viðbrögð að fella tár
Hætta vegna jarðfalls í sprungur metin töluverð
Glæpastarfsemi orðin mun skipulagðari