Gates-hjónin gerðu ekki kaupmála

Bill og Melinda Gates árið 2014. Þau eru að skilja.
Bill og Melinda Gates árið 2014. Þau eru að skilja. AFP

Melinda Getes sótti formlega um skilnað frá Bill Gates, stofnanda Microsoft, á mánudaginn. Stór skilnaður er í vændum en Bill Gates er fjórði ríkasti maður í heimi samkvæmt Forbes. Gates biður ekki um framfærslueyri frá eiginmanni sínum í skilnaðargögnunum. 

Gates sótti um skilnað í Washington-ríki að því er fram kemur á vef People. Í gögnunum kemur fram að hjónin skrifuðu ekki undir kaupmála. Auðæfum þeirra verður skipt á milli þeirra í skilnaðinum. Frú Gates segist ekki þurfa á framfærslueyri að halda. 

Ekki er ljóst hvenær leiðir Gates-hjónanna skildi en í máli frú Gates kemur fram að vandi þeirra sé svo mikill að ekki sé hægt að laga hjónabandið. Málið verður tekið fyrir í september en fer fyrir dómara í apríl 2022. 

Melinda Gates verður ekki á flæðiskeri stödd við skilnaðinn. Stofnandi Amazon, Jeff Bezos, og fyrrverandi eiginkona hans, MacKenzie Scott, skildu árið 2019. Við það varð Scott þriðja ríkasta kona heims. 

mbl.is

Stjörnuspá »

Hrútur

Sign icon Láttu þér ekki bregða þótt margt óvænt gerist í dag og þú eignist jábræður sem þú hafðir allra síst átt von á. Ef þú ert í bílahugleiðingum þá mun eitthvað gerast í þeim málum fljótlega.

Stjörnuspá »

Hrútur

Sign icon Láttu þér ekki bregða þótt margt óvænt gerist í dag og þú eignist jábræður sem þú hafðir allra síst átt von á. Ef þú ert í bílahugleiðingum þá mun eitthvað gerast í þeim málum fljótlega.