Hornfirski dúettinn kef LAVÍK gaf út nýtt lag í gær, lagið nefnist VICE CITY BABY og er þriðja smáskífan af væntanlegri plötu sem kemur út í ágúst. Hljómsveitin er mjög vinsæl hjá tónlistaráhugafólki einkum fyrir lunkinn og nýstárlega textagerð. Kef LAVÍK gaf út lagið Strobe ásamt JóaP í febrúar.
Í maí á síðasta ári gaf kef LAVÍK út fjögurra laga EP plötuna Heim eftir 3 mánuði í burtu. Platan var fyrsta útgáfa þeirra sem gefin er út á vegum Öldu Music.
Kef LAVÍK eru þeir Einar Birkir Bjarnason og Ármann Örn Friðriksson og hafa þeir gefið út fimm plötur í fullri lengd.