Poppdrottningin Britney Spears þakkar aðdáendum sínum fyrir #FreeBritney-hreyfinguna í nýrri færslu á samfélagsmiðlum. Þökk sé frelsisher stjörnunnar er Spears einu skrefi nær frelsinu sem hún var svipt árið 2008.
Á dögunum var Jamie Spears, faðir Britney, sviptur forræði yfir dóttur sinni en hann hafði verið lögráðamaður hennar síðan árið 2008. Söngkonan er þó ekki alveg frjáls en dómari skipaði nýjan forráðamann sem Britney valdi sjálf.
Söngkonan sagðist í yfirlýsingu á samfélagsmiðlum í gær vera orðlaus. Hún þakkaði aðdáendum sínum, seigla þeirra væri ástæða þess að hún væri einu skrefi nær því að endurheimta sjálfstæði sitt. „Ég grét í tvo klukkutíma í gærkvöldi vegna þess að aðdáendur mínir eru þeir bestu sem til eru,“ skrifaði Spears.
Aðdáendur tónlistarkonunnar hafa fylkt liði að baki henni undanfarin ár og hefur #FreeBritney-hreyfingin stigmagnast undanfarna mánuði. Aðdáendur hennar héldu því fram í nokkur ár að söngkonunni væri haldið fanginni af föður hennar.
#FreeBritney movement … I have no words … because of you guys and your constant resilience in freeing me from my conservatorship … my life is now in that direction !!!!! I cried last night for two hours cause my fans are the best and I know it … pic.twitter.com/7OpsOKoHNc
— Britney Spears (@britneyspears) October 4, 2021