Britney laus undan föður sínum

Poppsöngkonan Britney Spears hefur verið mikið í fjölmiðlum undanfarið.
Poppsöngkonan Britney Spears hefur verið mikið í fjölmiðlum undanfarið. mbl.is/AFP

Dómari í Bandaríkjunum hefur svipt Jamie Spears forræði yfir dóttur sinni Britney í kjölfar þess að Britney sakaði hann um áralanga misnotkun. 

Jamie Spears varð lögráðamaður Britney árið 2008 í kjölfar áhyggja af andlegri heilsu hennar. Fyrr í dag lauk síðan 13 ára forræðistíð Jamie yfir dóttur sinni, en dómari skipaði nýjan forráðamann sem Britney valdi sjálf. 

Fyrr í september fór Jamie fram á að vera leystur undan skyldum sínum sem lögráðamaður, eftir að Britney óskaði formlega eftir nýjum lögráðamanni. 

Brenda Penny, dómari við dómstól í Los Angeles, batt formlega enda á forræði Jamie og skipaði á sama tíma endurskoðanda sem lögfræðingar Britney völdu, sem forráðamann hennar. 

Jamie hafði áður haldið því fram að umræddur endurskoðandi væri ekki hæfur til að fara með fjárræði söngkonunnar. 

Lögmenn Britney fóru einnig fram á það í dag að á næstu 30 til 45 dögum verði ákveðið hvort að tilefni sé til að nokkur fari með forræði yfir Britney yfir höfuð. 

mbl.is

Stjörnuspá »

Hrútur

Sign icon Tækifærin bíða þín í hrönnum ef þú aðeins opnar augun og ert tilbúinn til þess að vinna með öðrum. Fyrir vikið gætir þú haft áhrif aðra, en mundu að þeir verða að átta sig sjálfir.

Stjörnuspá »

Hrútur

Sign icon Tækifærin bíða þín í hrönnum ef þú aðeins opnar augun og ert tilbúinn til þess að vinna með öðrum. Fyrir vikið gætir þú haft áhrif aðra, en mundu að þeir verða að átta sig sjálfir.