Gísli Örn Garðarsson, Björn Hlynur Haraldsson og Mikael Torfason, handritshöfundar Verbúðarinnar, hljóta verðlaun Norræna kvikmynda- og sjónvarpssjóðsins fyrir handritið að þáttaröðinni.

Þetta er í sjötta sinn sem sjóðurinn veitir verðlaun fyrir handrit að sjónvarpsþáttaröð, en þau voru afhent á kvikmyndahátíðinni í Gautaborg í dag.

Að verðlaunum fá handritshöfundarnir 200.000 norskar krónur, eða tæpar þrjár milljónir íslenskra króna.

Fyndnir og óútreiknanlegir

Í umsögn dómnefnarinnar segir að þættirnir séu dramatískir, fyndnir og óútreiknanlegir, án þess þó að þeir missi sína upprunalegu rödd.

„Verðlaunahafinn er tilfinningaþrungin þáttaröð með aðalpersónu sem er á undan sinni samtíð. Hún neitar að fara eftir reglunum, rétt eins og þessi þáttaröð er óhrædd við að fara ótroðnar slóðir.“

Frétt af mbl.is

Verbúðin slær í gegn hjá Íslendingum

Tengdar fréttir

Verbúðin

Verbúðin tilnefnd til evrópskra verðlauna

• Verðbólgan á þessu stigi meira og minna út árið
• Verbúðin: Svona leit landinn út í áttunni
• Rangur þáttur af Hljómskálanum fór í loftið
• Kynfæri, kynlíf og fyllerí í Verbúðinni

» Fleiri tengdar fréttir

• Blogga um frétt