Sonja Sif Þórólfsdóttir skrifar frá Tórínó
Systurnar Sigga, Beta og Elín hafa bara rifist einu sinni síðan þær komu út til Tórínó í byrjun maímánaðar og segja það hafa verið ansi ómerkilegt rifrildi útaf símanotkun Siggu. Sigga er komin í símabann eftir rifrildið og er sú eina í hópnum.
Það var létt yfir systrunum þegar blaðamaður hitti þær fyrir fyrri æfingu dagsins. Þær voru búnar að drekka marga espresso og kjaftaði á þeim hver tuska.