Leikararnir Anna Kendrick og Bill Hader eru hætt saman. Þau hafa farið leynt með samband sitt síðastliðin ár, en óljóst er hvenær þau byrjuðu saman.
Í janúar sagði heimildarmaður People að parið hefði verið saman í meira en ár. Hann sagði þau bæði vilja halda einkalífi sínu fjarri sviðsljósinu. „Með heimsfaraldrinum hefur verið auðvelt að halda sambandinu leyndu,“ bætti hann við.
Nokkrum mánuðum síðar útilokaði Heder að Kendrick kæmi fram í sjónvarpsþáttaröð hans í samtali við ET. Hann sagði ástæðu þess vera að hann vilji vernda dætur sínar þrjár sem hann á með fyrrverandi eiginkonu sinni, Maggie Carey.
Kendrick og Hader kynntust þegar hún kom fram í grínþættinum Saturday Night Live árið 2014. Fimm árum síðar léku þau saman í Disney jólamyndinni Noelle.