Ryan Giggs, fyrrverandi leikmaður Manchester United, sat í dag réttarhöld vegna meints heimilisofbeldis og misnotkunar á fyrrverandi kærustu hans, Kate Greville, á meðan sambandi þeirra stóð.

Gæti hinn 48 ára gamli Giggs, sem þar til nýlega var þjálfari velska landsliðsins, átt yfir höfði sér allt að fimm ára fangelsisdóm verði hann sakfelldur í öllum ákæruliðum. Giggs hefur neitað öllum ásökunum.

Réttarhöldin hófust í morgun við krúnudómstólinn í Manchester. Yfirdómarinn, Hilary Manley, sagði að gert væri ráð fyrir að réttarhöld vegna málsins stæðu yfir næstu tvær vikurnar.

„Ógnandi og stjórnandi hegðun“

Giggs er ákærður fyrir að hafa ráðist á Greville og valdið henni líkamlegu tjóni þann 1. nóvember 2020. Var lögregla kölluð á heimili hans í Manchester í kjölfarið.

Þá er knattspyrnumaðurinn einnig ákærður fyrir líkamsárás á yngri systur Greville, Emmu, sama dag.

Er honum einnig gert að sök að hafa sýnt ógnandi og stjórnandi hegðun gagnvart Kate í gegnum samband þeirra sem hófst árið 2017 og endaði með meintri líkamsárás.

Ryan Giggs lék lengi vel með Manchester United og vann með þeim 13 titla. Ian Hodgson

Tengdar fréttir

MeT­oo - #Ég líka

Furða sig á ákvörðun í máli Weinsteins

• Ógildir dóm yfir Weinstein
• Ákvörðun um að víkja Jóhanni úr landsliði stendur
• Um 30% kvenkyns skurðlækna orðið fyrir kynferðisofbeldi
• Skiluðu skömminni á Sauðárkróki

» Fleiri tengdar fréttir

• Blogga um frétt