Fyrirsætan Kendall Jenner hefur hlotið mikla gagnrýni fyrir umdeildan Toy Story-búning sem hún klæddist í hrekkjavökupartíi um helgina. Kendall klæddi sig upp sem Jessie úr Toy Story- myndunum vinsælu, en mörgum þótti búningurinn heldur kynþokkafullur og var fyrirsætan sökuð um að „eyðileggja barnamyndina“.

Þó búningurinn hafi vakið lukku hjá mörgum aðdáendum Kendall voru þó nokkrir sem bentu á að Toy Story-myndirnar væru ætlaðar yngri áhorfendum, fimm ára og eldri. „Af hverju að kyngera persónu sem er ætluð fyrir börn? Í alvöru, af hverju?,“ skrifaði einn reiður notandi. 

Fjölmargir skrifuðu ummæli við mynd fyrirsætunnar og sögðu hana hafa eyðilagt Toy Story fyrir sér. „Barnæska mín = ónýt,“ skrifaði einn netverji við myndina. 

Búningur í takt við kvikmyndina Mean Girls

Mörgum þykir Hollywood-stjörnurnar oft fara á mis við hrekkjavökuna þar sem keppst er um að vera í sem kynþokkafyllstum búningi ár eftir ár. Þá benda margir á hina goðsagnakenndu setningu úr kvikmyndinni Mean Girls þar sem hrekkjavakan er útskýrð á allt annan hátt en við könnumst flest við. Kendall virðist lifa eftir þessari setningu. 

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt