Kvikmyndaskólinn 30 ára: Hittarar og krittarar
Setja bókamerki
Stuttmyndin Hittarar og krittarar er úr smiðju Daða Einarssonar, en myndin er útskriftarmynd hans frá Kvikmyndaskóla Íslands.
Myndin fjallar um fjóra vini sem koma saman til að spila hlutverkaleik. Inni í leiknum berjast þau við illa galdramenn, uppvakninga og útsmogna óþokka, en við spilaborðið ríkja óumflýjanleg, persónuleg vandamál.
Daði útskrifaðist af leikstjórnar og handritsbraut Kvikmyndaskóla Íslands árið 2017. Sama ár hóf hann störf hjá frumkvöðlafyrirtækinu Myrkur Games sem vinnur nú að því að koma á markað fyrsta íslenska tölvuleiknum.
Daði er leikstjóri og aðalhandritshöfundur leiksins. Spurður af hverju hann hafi ákveðið að fara í námið segir Daði að hann hafi alltaf langað til að gera kvikmyndir.
„Alveg frá því að ég var bara lítill gutti. Ég man þegar ég var í fyrsta bekk og við vorum með DV-spólu upptökuvél og við tókum upp stuttmyndir á það. Það hefur alltaf verið efst í huga mér og Kvikmyndaskólinn veitir nám í gegnum leiðbeinendur sem vinna á íslenskum kvikmyndamarkaði, sem er mjög verðmætt,“ segir Daði.
Í tilefni af 30 ára afmæli Kvikmyndaskóla Íslands mun mbl.is birta valdar stuttmyndir sem fyrrverandi nemendur við skólann hafa gert.
„Umsátursástand“
Shakespeare fannst í skókassa
Skar höfuðleðrið af íslenskri konu
„Það þarf að vinna mikinn fjölda upp“
Vélsleðaslys: Þyrlan kölluð út á mesta forgangi
Skemmtiferðaskip hætt komið nærri Viðey
Krefjast stöðvunar framkvæmda