Leikarar jólamyndarinnar Love Actually munu koma saman í tilefni af því að 20 ár eru liðin frá því að hún kom út. Verður afmælinu fagnað með sérstökum jólaþætti á ABC sjónvarpsstöðinni.
Love Actually hefur á síðustu árum orðið órjúfanlegur hluti af jólahátíð margra og mega jólin hreinlega ekki koma hjá mörgum fyrr en þeir hafa horft á myndina.
Leikararnir Hugh Grant, Emma Thompson, Bill Nighy, Laura Linney og Thomas Brodie-Sangster munu setjast niður með Diane Sawyer í klukkustundar löngum þættir. Richard Curtis, handritshöfundur myndarinnar, og Martine McCutcheon leikkona munu einnig koma í þáttinn.
Þátturinn The Laughter & Secrets of Love Actually: 20 Years Later fer í loftið hinn 30. nóvember.