Kleini handtekinn af sérsveit á Húsavík

Kristján Einar Sigurbjörnsson var handtekinn af sérsveit í kvöld.
Kristján Einar Sigurbjörnsson var handtekinn af sérsveit í kvöld. Skjáskot/YouTube

Kristján Einar Sigurbjörnsson, fyrrverandi kærasti söngkonunnar Svölu og áhrifavaldur, var handtekinn í kvöld af sérsveitarmönnum á Húsvík. 

Að sögn sjónarvotta tók aðgerðin rúmlega 40 mínútur og var hluta Mararbrautar lokað á meðan á handtökunni stóð, að því er fullyrt er í frétt DV. Miðillinn setti sig í samband við Kleina sem staðfesti að hann hafi verið handtekinn en sagði lögreglu hafa sleppt sér stuttu síðar. 

„Aðgerðir lögreglu voru greinilega byggðar á einhverjum misskilningi og mér er sleppt eftir stutt spjall, enda ekkert sem ég hafði gert rangt,“ er þar haft eftir honum. 

Kristján Einar, sem stundum er kallaður Kleini, sat í fangelsi í Malaga á Spáni í tæplega átta mánuði fyrir slagsmál. Var hann látinn laus í nóvember síðastliðinn.

Uppfært kl. 21.13

Kristján segir í samtali við mbl.is að handtakan tengist ekki líkamsárás. Kannað hafi verið hvort að Kristján hafi verið að keyra undir áhrifum áfengis en svo var ekki.

Hann segist ekki geta svarað hvers vegna sérsveitina þurfti til. 

mbl.is

Stjörnuspá »

Hrútur

Sign icon Þér hefur tekist að koma góðu skikki á þín mál og mátt því næðisins vel njóta. Samræður við vini ættu að verða líflegar og skemmtilegar í dag.
síðasta vika Vinsælustu hljóðbækurnar
1
Skúli Sigurðsson
2
Stefan Mani
3
Laila Brenden
5
Anna Sundbeck Klav

Stjörnuspá »

Hrútur

Sign icon Þér hefur tekist að koma góðu skikki á þín mál og mátt því næðisins vel njóta. Samræður við vini ættu að verða líflegar og skemmtilegar í dag.
síðasta vika Vinsælustu hljóðbækurnar
1
Skúli Sigurðsson
2
Stefan Mani
3
Laila Brenden
5
Anna Sundbeck Klav