Sjónvarpskonan Maya Jama og tónlistarmaðurinn Stormzy eru byrjuð saman aftur fjórum árum eftir dramatísk sambandsslit þeirra.
Orðrómur um að Jama og Stormzy væru að stinga saman nefjum á ný fór á flug í síðustu viku og hafa margir velt því fyrir sér hvort neistinn sé kviknaður á ný.
Jama og Stormzy eru í rómantísku fríi á Grikklandi um þessar mundir, en talið er að ferðin sé síðbúin afmælisgjöf til Jama. Parið hefur nú staðfest orðróminn með myndum sem birtust á Daily Mail, en þar sjást þau ganga um göturnar hönd í hönd og virðast vera alsæl hvort með annað.
Parið byrjaði saman árið 2015 og var saman í fjögur ár áður en leiðir skildu árið 2019.