Harry opnar sig um veikindi Karls konungs
Setja bókamerki
Harry Bretaprins opnaði sig um veikindi föður síns í viðtali í bandaríska sjónvarpsþættinum Good Morning America í dag. Karl Bretakonungur er með krabbamein og er um vika síðan að Harry fór í örstutta heimsókn til föður síns.
„Ég talaði við hann,“ sagði Harry þegar hann var spurður að því hvernig hann frétti af veikindum Karls föður síns. „Ég hoppaði upp í flugvél og hitti hann um leið og ég gat,“ sagði Harry sem var spurður út í málið þegar hann var að kynna Invictus-leikana í Kanada.
„Ég elska fjölskyldu mína. Ég er þakklátur fyrir þá staðreynd að ég gat farið upp í flugvél og hitt hann og varið tíma með honum,“ sagði Harry sem neitaði að tjá sig frekar um heilsufar föður síns.
Hann vonast til þess að hitta föður sinn aftur. Hann er með nokkrar ferðir á dagskrá þar sem hann ætlar að koma við í Bretlandi. „Svo ég mun koma við og hitta fjölskylduna mína eins mikið og ég get,“ sagði Harry.
Lögregla handtók mann sem reyndist eftirlýstur
„Þú ert bara orðin miðaldra kona“
Sláandi tölur kalla á djúpa greiningu
Afhendir yngri kynslóðum keflið
Hyggst skoða lög um nafnabreytingar
Segir afsökun Microsoft lélega
Leitaði að upplýsingum um Kennedy-morðið