Óvænt atriði á norskri tónlistarhátíð

Lögreglan í Kristiansand í Noregi hefur gert pari, sem hafði samfarir á sviði á popptónleikum að greiða jafnvirði 100 þúsund íslenskra króna í sekt fyrir ósiðlegt athæfi á almannafæri og hljómsveitin Cumshot, sem lék undir, var einnig sektuð um jafnvirði hálfrar milljónar króna.

Parið segist ekki ætla að borga sektina. „Þetta er fáránlegt. Það verður engin sekt greidd heldur munum við fara í hart," sagði Tommy Hol Ellingsen í samtali við fréttavef sjónvarsstöðvarinnar TV2.

Söngvari Cumshot kallaði Ellingsen, sem er 28 ára, og Leonu Johansson, 21 árs kærastu hans, upp á svið og síðan stunduðu þau ástarleik í um 10 mínútur meðan hljómsveitin lék og mannfjöldinn fagnaði. Síðar kom í ljós að um var að ræða fyrirfram skipulagða uppákomu, sem ætlað var að afla fé fyrir umhverfissamtök sem parið stýrir og hafa það að markmiði að vernda regnskógana.

Þau Ellingsen og Johansson hafa m.a. hleypt af stokkunum klámsíðu á Netinu þar sem gestir geta horft á myndbönd af þeim í samförum gegn gjaldi.

Skipuleggjendur Quart tónlistarhátíðarinnar komu í gær í veg fyrir að kóreskur listamaður tæki myndir af pörum í kynmökum inni í tjaldi á hátíðarsvæðinu.

mbl.is

Stjörnuspá »

Hrútur

Sign icon Nú er komið að því eftir langa mæðu að menn sjá hve mjög þú hefur lagt þig fram um lausn ákveðins verkefnis.

Stjörnuspá »

Hrútur

Sign icon Nú er komið að því eftir langa mæðu að menn sjá hve mjög þú hefur lagt þig fram um lausn ákveðins verkefnis.