Trúa á Guð, drauga og djöfulinn

Yfirgnæfandi meirihluti Bandaríkjamanna trúir á Guð. Þá eru margir Bandaríkjamenn á þeirri skoðun að fljúgandi furðuhlutir, djöfullinn og draugar séu til. Þetta kemur fram í nýrri könnun sem var birt í dag.

Könnunin, sem Harris Online stóð að, sýnir fram á að 82% fullorðinna Bandaríkjamanna trúa á Guð. Þá trúa um 79% þeirra á að kraftaverk geti gerst.

Könnunin var gerð á milli 7. og 13 . nóvember sl. og tóku 2.455 þátt í henni. 70% þeirra segjast trúa á himnaríki og engla. Sex af hverjum 10 trúa hinsvegar á helvíti og djöfulinn.

Þá trúa nánast jafnmargir á þróunarkenningu Darwins (42%), þ.e. að mannkynið þróast í gegnum náttúruval,  og á  það að guð hafi skapað heiminn og mannkynið (39%).

Þá sögðu um 70% aðspurðra að væru annað hvort mjög eða eitthvað trúaðir. Þriðjungur aðspurðra sagðist trúa á fljúgandi furðuhluti, nornir og stjörnufræði.

• 2 blogg um fréttina

Bloggað um fréttina

• Stefán Örn Viðarsson: Ótrúleg vitleysa!
• Þorkell Sigurjónsson: TRÚIN ER LJÓSINU LÍKAST.