Þórður Snær Júlíusson ritstjóri Heimildarinnar býr vel ásamt fjölskyldu sinni. Hann og eiginkona hans, Hildur Guðjónsdóttir, festu kaup á 140,9 fm glæsiíbúð við Hallgerðargötu í Reykjavík í janúar 2020.

Um er að ræða fjögurra herbergja íbúð á þriðju hæð með tvennum svölum. Í íbúðinni er eldhús með eyju, borðstofa, tvö barnaherbergi og hjónaherbergi með fataherbergi og sérstöku baðherbergi inn af hjónaherbergi. Hjónin greiddu 82.650.000 kr. fyrir íbúðina árið 2020 en þá var fasteignamat hennar 68.700.000 kr. Síðan þá hefur íbúðin hækkað mikið í verði og er fasteignamat hennar í dag 100.600.000 kr.

THG Arkitektar og Studio Arnhildur Palmadottir hönnuðu íbúðirinar og ÍAV er byggingaraðili þeirra. Íbúðirnar eru úr vönduðum byggingarefnum og eru allir gluggar úr áli og klæðning hússins er úr anódíseraðri álklæðningu í brúnum tónum. Klæðningin er sérhönnuð og meðhöndluð með sérstakri aðferð sem skapar áhugaverða óreglu á yfirborði hennar auk þess sem form og samsetning eininganna er fjölbreytileg. Hljóðvist er verulega aukin í eigninni og er gengið mun lengra í þeim efnum en alla jafna tíðkast í íslenskum byggingum. 

Frétt af mbl.is

Kjarninn og Stundin sameinast á nýju ári

Þórður Snær er ekki eini starfsmaður Heimildarinnar sem býr vel. Ingibjörg Dögg Kjartansdóttir, sem einnig er ritstjóri Heimildarinnar, og kærasti hennar, Jón Trausti Reynisson, festu kaup á glæsihúsi við Nesbala 2021.

Frétt af mbl.is

Ritstjórar Stundarinnar keyptu raðhús á 117 milljónir

Það er því augljóst að elítan býr ekki bara í Garðabæ og á Seltjarnarnesi. Hún býr líka í 105 Reykjavík.

Hér má sjá teikningu af íbúðinni sem er á þriðju hæð.

Húsið er sérlega fallega hannað.

Úr íbúðinni er stutt í allar áttir.

Á íbúðinni eru tvennar svalir.