Kevin McCarthy, forseti fulltrúadeildar Bandaríkjaþings, ætlar að láta rannsaka hvort Joe Biden, forseti Bandaríkjanna, hafi hagnast á viðskiptasamningum sem sonur forsetans, Hunter Biden, hefur gert.
Kevin McCarthy, forseti fulltrúadeildar Bandaríkjaþings, ætlar að láta rannsaka hvort Joe Biden, forseti Bandaríkjanna, hafi hagnast á viðskiptasamningum sem sonur forsetans, Hunter Biden, hefur gert.
Kevin McCarthy, forseti fulltrúadeildar Bandaríkjaþings, ætlar að láta rannsaka hvort Joe Biden, forseti Bandaríkjanna, hafi hagnast á viðskiptasamningum sem sonur forsetans, Hunter Biden, hefur gert.
McCarthy hefur verið undir miklum þrýstingi frá flokksbræðrum sínum í Repúblikanaflokknum að hefja rannsókn á forsetanum.
Ætlar hann að fela þingnefnd að rannsaka forsetann en rannsóknin gæti leitt til þess að vantrausttilaga yrði lögð fram á hendur forsetanum. Fulltrúadeildarþingmaðurinn James Comer mun leiða rannsóknina.
„Ábendingar hafa borist um að hann hafi misnotað vald sitt, komið í veg fyrir framgang réttvísinnar og spillingu. Þær gefa tilefni til frekari rannsóknar. Af þeim sökum hef ég ákveðið að fela þingnefndinni að hefja rannsókn,“ sagði McCarthy í dag að því er Washington Post greinir frá.
Áður hafði hann gefið út að hann myndi ekki hefja rannsókn án þess að fulltrúadeildin kysi um það.
McCarthy er í tímaþröng að ná einingu um lagafrumvarp um fjármögnun alríkisstofnana fyrir 30. september. Hefur hann án árangurs reynt að tryggja sér atkvæði nokkurra flokksbræðra sinna í fulltrúadeildinni yst á hægri vængnum.
Hafa þeir kallað eftir því að forsetinn yrði rannsakaður vegna viðskiptasamninga sem sonur hans gerði.