Ömmu-ástarpungar

• 420 g hveiti
• 220 g sykur
• 1 ½ tsk. lyftiduft
• ½ tsk. natron
• ½ tsk. hjartasalt
• 1 stk. egg
• 250 g mjólk
• 150 g rúsínur

Aðferð:

Byrjið á því að setja olíu í pott og hita hana á meðan deigið er lagað, það er best.

Setjið síðan mjólk og egg í botninn á hrærivélarskál þegar þið byrjið á því að laga deigið, það er best. S

íðan setjið þið restina ofan á og vinnið saman í marsa.

Þegar komið er að því að steikja ástarpungana er annaðhvort hægt að mæla hitann á olíunni, en hitinn á að vera 175°C, eða prufið að setja deig ofan í með 2 teskeiðum og sjáið hvort olían freyðir og deigið flýtur upp.

Búið síðan til ástarpunga með tveim teskeiðum og setjið nokkrar í einu út í olíuna og steikið þar til deigið klárast.

Passið að setja deigið ekki of þétt saman í olíuna.

Karamellu-brownies-smákökur

• 110 g smjör
• 170 g suðusúkkulaði
• 8 g vanilludropar
• 30 g volgt vatn
• 2 stk. egg
• 150 g sykur
• 100 g púðursykur
• 145 g hveiti
• 1 tsk. lyftiduft
• 14 g kakó
• ½ tsk. salt
• 100 g hörð karamella, söxuð, sjá uppskrift fyrir neðan

Aðferð:

Hitið ofninn í 180°C hita.

Bræðið smjör þar til það fer að brúnast, tekur um það bil 6 til 8 mínútur.

Hrærið inn á milli.

Á meðan smjörið bráðnar brjótið þá súkkulaðið niður í skál með vanilludropunum og vatninu.

Þegar smjörið er tilbúið hellið því þá yfir súkkulaðið og hrærið saman.

Á meðan blandan kólnar þeytið þá eggin og allan sykurinn saman þar til blandan hefur tvöfaldast í stærð.

Bætið síðan súkkulaðiblöndunni varlega saman við með sleikju og því næst þurrefnunum og síðast saxaðri karamellunni.

Setjið síðan deigið á smjörpappír með tveimur matskeiðum, gott að strá smá grófu salti yfir.

Bakið í um það bil 10 til 12 mínútur.

Hörð karamella

• 70 g sykur
• 60 smjör

Aðferð:

1. Bræðið saman sykur og smjör í potti þar til blandan verður eins og karamella á litinn.
2. Látið blönduna síðan á smjörpappír og látið harðna.