Veitingastaðurinn La Primavera laðaði til sín góða gesti þegar Halla Bára Gestdóttir, Gunnar Sverrisson, Olga Lilja Ólafsdóttir og Sigurður Atli Sigurðsson buðu í útgáfuboð til að fagna bókinni Myndlist á heimilum. Hjónin Halla Bára og Gunnar hafa gefið út fjölda bóka um íslensk heimili en Olga Lilja og Sigurður Atli reka Y gallery. 

Myndlist á heimilum höfðar án efa til þeirra sem hafa smekk fyrir fallegum heimilum og listaverkum og þrá að geta gert betur í þeim efnum á sínum eigin. Svo voru einhverjir sem brostu hringinn eftir að hafa séð framúrskarandi myndir af eigin heimilum en fólkið sem býr á þessum flottu heimilum var á meðal gesta. Þeir aðilar sem eiga bókina geta hafið gestaþrautina hverjir búa hvar?