Sniðugar jólagjafir | 10. desember 2023

Fyndnustu jólagjafir allra tíma

Komdu fjölskyldu og vinum á óvart með smá sprelli í jólapakkanum fyrir þessi jól. Hvort sem jólagjöfin í ár er gervikúkur, fyndinn bolli eða kalkúnahattur þá á hún eflaust eftir að slá í gegn.

Fyndnustu jólagjafir allra tíma

Sniðugar jólagjafir | 10. desember 2023

Komdu á óvart um jólin. Samsett mynd

Það eru margir sem gefa skemmtilegar og fyndnar gjafir um jólin. Breska konungsfjölskyldan er með þá hefð að gefa fyndnar og skemmtilegar jólagjafir. Hér eru hugmyndir fyrir grínistann í fjölskyldunni.

Gervikúkur er gjöf sem slær í gegn hjá fólki á öllum aldri. Þessi gervikúkur fæst í Partýbúðinni og kostar 790 krónur.

Stór eldflaug úr sagnaheimi Tinna. Eldflaugin er 90 sentímetrar, hún fæst í Epal og kostar 185 þúsund krónur.

Sokkar fyrir alla þá sem elska rauðvín. Sokkarnir eru rauðir og svartir en umbúðirnar líta út eins og falleg rauðvínsflaska. Sokkarnir fást í Nomadstore og kosta 2.690 krónur.

Hættu að vera í símanum á klósettinu, prófaðu frekar að pútta. Þessi púttmotta fæst á coolshop.is og kostar 2.999 krónur.

Er kalkúnn í matinn? Af hverju ekki að gefa kalkúnahatt í jólagjöf? Þessi risastóri kalkúnahattur fæst á Fotomax.is og kostar 10.680 krónur.

Fyndinn bolli er tilvalinn í leynivinagjöf í vinnunni. Þessi Disney-bolli fæst í Nexus og kostar 2.799 krónur.

Óvenjulegur lampi frá Seletti sem allir garðálfar þurfa að eignast. Þessi fæst í Hrím og kostar 49.990 krónur.

Veldu skemmtilega, ljóta eða jafnvel óviðeigandi mynd og láttu prenta hana á púða. Á Strigaprent.is er hægt að láta prenta mynd á púða og kostar það 7.990 krónur.