Hvalveiðar | 25. janúar 2024
Hvalur hf. vill krefja ríkið um skaðabætur
Hvalur hf. telur einsýnt að félagið eigi skaðabótakröfu á hendur íslenska ríkinu vegna þess fjártjóns sem félagið varð fyrir vegna hins ólöglega banns sem Svandís Svavarsdóttir matvælaráðherra lagði við hvalveiðum sl. sumar, bæði á sakargrundvelli sem og á hlutlægum grunni.
Hvalur hf. vill krefja ríkið um skaðabætur
Hvalveiðar | 25. janúar 2024
Setja bókamerki
Hvalur hf. telur einsýnt að félagið eigi skaðabótakröfu á hendur íslenska ríkinu vegna þess fjártjóns sem félagið varð fyrir vegna hins ólöglega banns sem Svandís Svavarsdóttir matvælaráðherra lagði við hvalveiðum sl. sumar, bæði á sakargrundvelli sem og á hlutlægum grunni.
Hvalur hf. telur einsýnt að félagið eigi skaðabótakröfu á hendur íslenska ríkinu vegna þess fjártjóns sem félagið varð fyrir vegna hins ólöglega banns sem Svandís Svavarsdóttir matvælaráðherra lagði við hvalveiðum sl. sumar, bæði á sakargrundvelli sem og á hlutlægum grunni.
Svo segir í bréfi sem lögmaður Hvals hefur sent ríkislögmanni, þar sem óskað er eftir viðræðum við ríkið um bótauppgjör og Morgunblaðið hefur undir höndum.
Eðlilegt að fulltrúar stéttarfélaga komi að
Í bréfinu segir að fyrirtækið sé jafnframt til viðræðu um að aðilar komi sér saman um aðila sem fengnir væru til að leggja mat á tjón félagsins í formi utanmatsréttargerðar án þess þó að bindandi væri fyrir hvorn aðila.
Jafnframt telur Hvalur að eðlilegt sé að fulltrúar þeirra stéttarfélaga sem hlut eigi að máli hafi aðkomu að viðræðunum til að gæta hagsmuna skjólstæðinga sinna. Þau félög sem um ræðir eru Verkalýðsfélag Akraness og Félag skipstjórnarmanna.
Ítarlegar er fjallað um málið í Morgunblaðinu á morgun, föstudag.
