Félagið Borgarlind ehf. hefur fest kaup á glæsiíbúð við Kolagötu 3 í Reykjavík. Félagið keypti íbúðina af Húsvaki ehf. og greiddi 135.000.000 kr. fyrir íbúðina. Um er að ræða vandaða lúxusíbúð sem er í einu af húsunum á Hafnartorgi sem reist voru 2018. Sjálf íbúðin er 116,5 fm að stærð og búin lúxusinnréttingum. 

Íbúðirnar við Kolagötu hafa verið töluvert í fréttum og gengið kaupum og sölum. Sumir hafa gengið svo langt að flytja bara á milli hæða eins og Högni Egilsson tónlistarmaður og kærasta hans, Snæfríður Ingvarsdóttir. Högni festi kaup á íbúð við Kolagötu 3 2021 og kunni greinilega svo vel við sig að hann keypti aðra íbúð í sama húsi eins og kom fram í fréttum á dögunum. 

Frétt af mbl.is

Högni seldi lúxusíbúð á 135 milljónir og keypti aðra íbúð í sama húsi

Framkvæmdastjóri Borgarlindar er Stefán Már Stefánsson en hann komst í fréttir þegar hann festi kaup á einbýlishúsi við Blikanes 22 í Garðabæ ásamt eiginkonu sinni, Ólöfu Elínu Gunnlaugsdóttur. 

Frétt af mbl.is

Blikanes 22 selt aftur á 295 milljónir

Eins og stendur er bara ein íbúð til sölu í húsinu við Kolagötu 3. Hún er í eigu Elíasar Guðmundssonar framkvæmdastjóri Krýsuvíkur og Aþenu Elíasdóttur, dóttur hans og skráð á félag í þeirra eigu. Íbúðin er sérlega eiguleg og smart með vönduðum innréttingum og fallegu gólfefni. 

Frétt af mbl.is

Félag Elíasar og Aþenu selur glæsiíbúð á Hafnartorgi